لەگەڵ ئەوەی حکومەتی ئەمریکا داخراوە، بەڵام مووچەی کارمەندانی کۆچ دەدرێت

ئاڤا نیوز

لەگەڵ ئەوەدا بە هۆی تێنەپەڕاندنی بودجەوە حکومەتی فیدراڵیی ئەمریکا داخراوە، بەڵام ئیدارەی ترەمپ مووچەی کارمەندانی دامەزراوەکانی پەیوەست بە کۆچ دەدات.

چیرۆکی سەرەکی: زیاتر لە 70 هەزار کارمەندی دامەزراوەی کۆچی ئەمریکا مووچەیان پێدراوە. ئەمەش هەوڵی ترەمپە بۆ ئەوەی سیاسەتەکانی سەبارەت بە کۆچبەران بەردەوام بێت و کارمەندانی ئەو دەزگایە بە ڕێکوپێکی کارەکانیان بکەن کە پەیوستن بە ناردنەوەی کۆچبەران.

ئەمەش بزانە: پێدانی مووچە بە کارمەندانی کۆچ لەکاتێکدایە کە بە هۆی داخرانی حکومەتەوە کارمەندانی دیکەی فیدراڵی بەبێ مووچەن.