بە بەهای نزیکەی 11 ملیار دۆلار تورکیا فڕۆکە لە بەریتانیا دەکڕێت

ئاڤا نیوز

تورکیا و بەریتانیا ڕێککەوتنێکی گەورەی بازرگانی بۆ کڕینی فڕۆکە ئەنجام دەدەن، سەرۆکوەزیرانی بەریتانیا دەڵێت، بۆ ماوەی 10 ساڵ ڕێککەوتن کراوە.

لێدوانی فەرمی: کییەر ستارمەر، سەرۆکوەزیرانی بەریتانیا ڕایگەیاند، گرێبەستەکەیان لەگەڵ تورکیا زۆر گرنگە و بە بەهای 10.7 ملیار دۆلار و بۆ ماوەی 10 ساڵ فڕۆکەی جۆری یۆرۆ فایتەر بەو وڵاتە دەفرۆشن.

لەلایەکی دیکەوە: وەزارەتی بەرگری بەریتانیا ڕایگەیاند، ڕێککەوتنەکە 20 فڕۆکەی یۆرۆ فایتەر دەگرێتەوە و گەورەترین گرێبەستی فرۆشتنە لە یەک جۆری فڕۆکە و دەبێتە هۆی بەهێزبوونی ناتۆ لە ناوچەکەدا.

ئەوەی پێویستە بیزانیت: لە دوای لە ساڵی 2019 تورکیا نائومێد بوو لە کڕینی فڕۆکەی ئێف 35ـی ئەمریکا، بۆیە بۆ کڕینی فڕۆکە ڕووی لە وڵاتانی ئەوروپا کردووە.