ترەمپ خەڵاتی ئاشتیی فیفا بەدەست دەهێنێت

ئاڤا نیوز

 

بە ئامانجی ڕێزگرتن لە هەوڵەکانی ئاشتیی، سەرۆکی یەکێتییی تۆپی پێی جیهان مەدالیای ''ئاشتیی فیفا''ـی بە دۆناڵد ترەمپ، سەرۆکی ئەمریکا، بەخشی.

 

وێنە گەورەکە: ڕۆژی هەینی لە مەراسیمێکدا تیروپشکی مۆندیالی 2026 لە ئەمریکا ڕاکێشرا و جیانی ئینفانتینۆ، سەرۆکی یەکێتیی تۆپی پێی جیهان 'فیفا' خەڵاتی ئاشتیی فیفای بە دۆناڵد ترەمپ، سەرۆکی ئەمریکا بەخشی.

 

لێدوانی فەرمی: دۆناڵد ترەمپ، سەرۆکی ئەمریکا لەکاتی وەرگرتنی خەڵاتەکە ڕایگەیاند، ئەمە یەکێکە لە گەورەترین شانازییەکانی ژیانم، ئێمە ملیۆنان ژیانمان ڕزگار کردووە، ئێستا جیهان شوێنێکی ئارامترە.

 

لەلایەکی دیکە: جیانی ئینفانتینۆ، سەرۆکی فیفا لەبارەی ئەم خەڵاتەوە گوتی، لە جیهانێکی پڕ لە ئاڵۆزی و دابەشبووندا، زۆر گرنگە دان بە بەشدارییە ناوازەکەی ئەو کەسانەدا بنرێت کە زۆر کاردەکەن بۆ کۆتاییهێنان بە ململانێکان. هاوکات بە ترەمپی وت، ئەمە خەڵاتی ئاشتیی تۆیە و مەدالیایەکی جوانە لە هەر شوێنێک کە بۆی دەچێت دەتوانیت لە ملی بکەیت.