لێخۆشبوون لە کرێی ئاو بە ڕێژەی 20% چووە بواری جێبەجێکردنەوە

ئاڤا نیوز

 

بەڕێوەبەری گشتیی ئاو و ئاوەڕۆی هەرێمی کوردستان ڕایگەیاند، بڕیارەکەی سەرۆکوەزیران بارزانی بۆ لێخۆشبوون لە کرێی ئاو بە ڕێژەی 20% چووە بواری جێبەجێکردنەوە.

 

لێدوانی فەرمی:  ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە ئاڤا نیوزی گوت: ئێستا هەر هاونیشتمانیەک بیەوێت قەرزی ئاو لە هەر شار و شارۆچکەیەک بداتەوە بەڕێژەی 20% داشکاندنی بۆ دەکرێت.

 

ئەوەی پێویستە بیزانیت: پێشتر ساسان عەونی، وەزیری شارەوانی و گەشتوگوزاری هەرێمی کوردستان بۆ ئاڤا نیوز ڕایگەیاندبوو: زیاتر لە 600 ملیار دینار قەرزی ئاو لای هاووڵاتییانە و نەدراوەتەوە حکومەت، بە بڕیاری سەرۆکوەزیران 20%ـی ئەم پارەیە لێخۆشبوونی بۆ دەکرێت، بەم پێیەش بڕی پارە لێخۆشبووەکە دەکاتە 120 ملیار دینار.

 

باکگراوند: ڕۆژی 27-03-2024، سەرۆکوەزیران لە کۆبوونەوەی ئەنجوومەنی وەزیراندا بڕیاری دا بە لێخۆشبوونی 20%ـی داشكاندن بۆ قەرزی ئاو، لەپاڵ قەرزی کارەبا و سزای هاتووچۆ و کەمکردنەوەی 50%ـی باجی هێنانی گۆشتی سوور.