گۆڕێکی دیکەی بەکۆمەڵی قوربانییانی کوردانی ئێزدی دەدۆزرێتەوە

ئاڤا نیوز

ڕێکخراوی پێتریکۆر بۆ مافەکانی مرۆڤ ڕایدەگەیێنێت، گۆڕێکی دیکەی بە کۆمەڵی قوربانییانی کوردانی ئێزدییان لە کۆمەڵگەی سیبا شێخ خدر دۆزیوەتەوە.

چیرۆکە سەرەکییە: لەکاتی دانانی شۆستە لەسەر یەکێک لە ڕێگەکانی کۆمەڵگەی ئەو کۆمەڵگەیە لە قەزای شنگال، گۆڕێکی بە کۆمەڵ دەدۆزرێتەوە، دواتر ڕێکخراوی پێتریکۆر بۆ مافەکانی مرۆڤی لێ ئاگادار دەکرێتەوە و ئەوانش دەستبەجێ دەچنە شوێنەکە.

ڕاگەیێنراوی فەرمی: "بە خەم و پەژارەیەکی زۆرەوە ڕێکخراوەکەمان دۆزینەوەی گۆڕێکی دیکەی بە کۆمەڵ ڕادەگەیێنێت کە دەگەڕێتەوە بۆ کۆمەڵکوژیی ئێزدییەکان لە ساڵی 2014". ڕێکخراوی پێتریکۆر بۆ مافەکانی مرۆڤ ڕایگەیاندووە.

باکگراوند: لە دوای کۆنترۆڵکردنەوەی لە دەست داعش، تاوەکو ئێستا بەدەیان گۆڕی بەکۆمەڵی کوردانی ئێزدی دۆزراونەتەوە کە لە کاتی هێرشی ئەو ڕێکخراوە لە ساڵی 2014 کۆمەڵکوژ کرابوون.