بایدن بۆ سەفین دزەیی: هەرێمی كوردستان بۆ ئەمریکا زۆر گرنگە

ئاڤا نیوز

 

سەفین دزەیی لە کۆبوونەوەی لەگەڵ شاندێكی ژووری بازرگانیی ئەمریكا ڕایگەیاند، لە کۆشکی سپی بایدن پێی گوتم، بۆ ئەمریكا هەرێمی كوردستان گرنگییەكی زۆری هەیە.

 

چیرۆکی سەرەکی: ماوەیەک پێش ئێستا، سەرۆکوەزیران بارزانی بانگهێشتی واشنتن كرا و لەگەڵ بەرپرسانی باڵای ئەو وڵاتە کۆبووەوە؛ دواتر شاندێكی عێراق بە سەرۆكایەتیی سوودانی سەردانی واشنتنی كرد و سەفین دزەیی وەك نوێنەری حكومەتی هەرێمی كوردستان یاوەری شاندەكە بوو، لەوێ چاوی بە بایدن كەوت.

 

لێدوانی فەرمی: سەفین دزەیی، بەرپرسی فەرمانگەی پەیوەندییەكانی دەرەوەی هەرێمی كوردستان گوتی: "بەرپرسانى ئەمریکا و خودى سەرۆک بایدن ڕایانگەیاند، هەرێمى کوردستان گرنگىیەکی زۆرى بۆ ئەمریکا هەیە".

 

بۆچی گرنگە؟ ئەمریكا و هەرێمی كوردستان پەیوەندییەكی هاوبەش و گرنگیان پێكەوە هەیە؛ لە بواری سەربازی، پیشەسازی، بەرگریدا هاوكاری و هەماهەنگی نێوانیان بەردەوامە.