سەندیكای پزیشكان سەنتەرەكانی تاتۆ و جوانكاری بە هۆكاری ئایدز ناودەبات

ئاڤا نیوز

سەندیکای پزیشکانی عێراق هۆشداری دەدات و سەنتەرەکانی جوانکاری و  تاتۆ بە هۆكاری سەرەكی تووشبوون بە ئایدز ناودەبات.

لێدوانی فەرمی: سەباح شبر، سەرۆکی سەندیکای پزیشکانی عێراق ڕایگەیاند: ئەو سەنتەرانەی تایبەتن بە جوانکاریی و مۆڵەتی وەزارەتی تەندروسیتیان نییە، زیاتر دەبنە هۆی گواستنەوە و تووشبوون بە ئایدز.

زانیاریی زیاتر: جگە لە سەنتەرەکانی جوانکاری، سەنتەرەکانی تایبەت بە تاتۆ ئەگەری گواستنەوەی نەخۆشی ئایدزیان هەیە. سەباح شبر وای گوت.

وێنە گەورەكە: لەماوەی چەند ساڵی رابردوو دوو هەزار و 638 حاڵەتی تووشبوون بە ئایدز لە عێراق تۆمار کراون.

ئەوەی پێویستە بیزانیت: ساڵی 2022، لە پارێزگای بەغدا زیاتر لە 400 سەنتەری جوانکاری هەبوون، زۆریان هیچ مۆڵەتێکیان نەبوو، ئەوانەشی کە مۆڵەتی پزیشکیان هەبوو، بەشێکیان خاوەندارێتییان دەگەڕێتەوە بۆ کەسایەتییە سیاسییەکان.