حەماس بۆ ئەمریکا: چەک مەدە ئیسرائیل شەڕەکە ڕابگرە

ئاڤا نیوز

 

سەرۆکی مەکتەبی سیاسیی حەماس داواکارییەکانی ناتەنیاهۆ وەک بیانوویەک بۆ درێژکردنەوەی شەڕی غەززە ناودەبات و پەیامیش بۆ ئەمریکا دەنێڕێت.

 

لێدوانی فەرمی: ئیسماعیل هەنیە، سەرۆکی مەکتەبی سیاسیی حەماس ڕایگەیاند: "ناتەنیاهۆ بیانوو بۆ درێژەدان بە شەڕی غەززە و فراوانکردنی ململانێکان و تێکدانی هەوڵەکانی ئاگربەست دروست دەکات".

 

خاڵە ئەرێنییەکان: حەماس هێشتا ئامادەیە بگاتە ڕێککەوتنێک بۆ کۆتاییهێنان بە هێرشەکانی سەر غەززە، ئەمەش لە بەرامبەر کشانەوەی ئیسرائیل و ئاڵوگۆڕی بارمتەکان.

 

لەلایەکی دیکەوە: هەنییە بە ئەمریکا گوتوە، لەبڕی ئەوەی چەکی وێرانکەر بۆ ئیسرائیل دابین بکەیت، شەڕەکە ڕابگرە.

 

باکگراوند: رۆژی شەممەی ڕابردوو، حەماس و ئیسرائیل لە قاهیرە بۆ ئاگربەست کۆبوونەوە، بەڵام نەگەیشتنە ڕێککەوتن.