ئەنجوومەنی ئاسایش بۆ ڕەئیسی خولەکێک بێدەنگ بوو

ئاڤا نیوز

ئەندامانی ئەنجوومەنی ئاسایشی نەتەوەیەکگرتووەکان، خولەکێک بۆ گیانلەدەستدانی ئیبراهیم ڕەئیسی، سەرۆککۆماری ئێران، بە بێدەنگی وەستان.

وێنە گەورەکە: لە سەرتای کۆبوونەوەی ڕۆژی دووشەممە، 20-5-2024، باڵیۆزی مۆزەمبیق، کە سەرۆکایەتیی ئەم خولەی ئەنجوومەنەکە دەکات، داوای لە ئەندامانی ئەنجوومەنەکە کرد بۆ بیرهێنانەوەی گیانلەدەستدانی سەرۆک کۆماری ئێران، هەستە سەر پێ و خولەکێک بە بێدەنگی بووەستن. 

زانیاریی زیاتر: باڵیۆزی ئەمریکا هاوشێوەی ئەندامانی دیکەی ئەنجوومەنەکە هەستایە سەر پێ و بێدەنگ بوو. 

بۆچی گرنگە: گیانلەدەستدانی سەرۆک کۆمار و وەزیری دەرەوەی ئێران هاوسۆزییەکی زۆری جیهانی بە دوای خۆیدا هێنا، دەشێت کاریگەریی ئەرێنی لە سەر پەیوەندییەکانی ئێران و وڵاتانی دیکە، بە تایبەت ئەمریکا هەبێت.