سوودانی بۆ پرسەی ڕەئیسی سەردانی تاران دەکات

ئاڤا نیوز

 

بڕیارە سبەی چوارشەممە سەرۆکوەزیرانی عێراق سەردانی تاران بکات و بەشداری لە پرسەی سەرۆککۆماری ئێران و هاوەڵانی بکات.

 

چیرۆکی سەرەکی: ئێوارەی ڕۆژی یەکشەممە 19-05-2024، هێلیکۆپتەری ئیبراهیم ڕەئیسی سەرۆککۆماری ئێران لە کاتی گەڕانەوەی بۆ تاران، لە خاڵێکی سنووریی تەورێز بەهۆی "خراپی کەشوهەوا" تێکشکا و بەهۆیەوە سەرۆککۆمار و هەشت لە یاوەرانی گیانیان لەدەست دا.

 

بۆچی گرنگە: بڕیارە سبەی چوارشەممە، ڕێوڕەسمی بەخاک سپاردنی تەرمی سەرۆککۆماری ئێران و هاوەڵانی لە تارانی پایتەخت بە ئامادەبوونی میوانان و شاندی بیانی بەڕێوە بچێت.

 

لێدوانی فەرمی: ئەسعەد عیدانی، پارێزگاری بەسرە ڕایگەیاند: "سبەی چوارشەممە، یاوەری محەممەد شیاع سوودانی، سەرۆکوەزیرانی عێراق دەکات لە سەردانەکەیدا بۆ تارانی پایتەختی ئێران، بەمەبەستی پرسەو سەرەخۆشی بە بۆنەی کۆچی دوایی ئیبراهیم ڕەئیسی، سەرۆککۆمار و حوسێن ئەمیر عەبدوڵڵاهیان، وەزیری دەرەوەی ئێران و هاوەڵەکانیان."