بەهۆی ئاگرەکەی گوندی مورتکە 100 تۆن غاز سوتاوە

ئاڤا نیوز

 

ئاگرەکەی ئێوارەی ئەمڕۆ کە لە کارگەیەکی غاز لە گوندی مورتکەی سنووری هەولێر کەوتەوە، زیانی بە 100 تۆن غاز گەیاندووە.

 

وێنە گەورەکە: ئێوارەی ئەمڕۆ ئاگرێکی گەورە لە کارگەی غازی نەورۆز کەوتەوە و بەهۆیەوە سێ کەس بریندار بوون. بە هەوڵی تیمەکانی بەرگریی شارستانی توانرا دوای کاتژمێرێک ئاگرەکە بکوژێنرێتەوە و بەمەش ئاگرەکە تەشەنەی نەکرد بۆ ئەو غازە زۆرەی کە لە کارگەکە هەبوو.

ئەوەی پێویستە بیزانیت: بەپێی زانیارییەکانی ڕزگار کۆچەر پەیامنێری ئاڤا میدیا، سێ تانکی غاز سوتاون کە دووانیان بەتاڵ بوون و تەنیا دانەیەکیان 100 تۆن غازی تێدا بووە کە سووتاوە.