عێراق پشتیوانی لە بڕیارێكی دادگەی نێودەوڵەتیی دەكات دژ بە ئیسرائیل

ئاڤا نیوز

سەرۆكوەزیرانی عێراق، پشتیوانی بڕیارەكەی دادگەی دادی نێودەوڵەتیی دەكات سەبارەت بە ڕاگرتنی هێرشەكانی ئیسرائیل لە ڕەفەح.

وێنە گەورەكە: ڕۆژی هەینی دادگەی دادی نێودەوڵەتیی فەرمانی بە ئیسرائیل كرد سەرجەم هێرشەكانی لە ڕەفەح ڕابگرێت، حكومەتی عێراقیش پشتیوانی بڕیارەكە دەكات.

لێدوانی فەرمی: محەممەد شیاع سوودانی، سەرۆكوەزیرانی عێراق لە تۆڕی كۆمەڵایەتی ئێكس نوسیویەتی: "پشتگیری لە بڕیارەكەی دادگەی دادی نێودەوڵەتیی دەكەین كە دەبێت دەستبەجێ دەستدرێژییەكان لە ڕەفەح ڕابگیررێن، ئەم بڕیارە بە دەربڕینی زیندوویەتی ویژدانی  جیهان دەزانین".

زانیاریی زیاتر: "چەندین جار داوامان لە کۆمەڵگەی نێودەوڵەتی کردووە کە بەرپرسیارێتی خۆی لە ئەستۆ بگرێت، بۆ ڕاگرتنی دڕندەیی داگیرکاری و کار بکات بۆ کۆتاییهێنان بە ئازارەکانی تەواوی گەلێک کە تەنیا داوای مافی ژیانی خۆیان دەکەن".