بەڕێوەبەرایەتی پاسپۆرتی سلێمانی داوایەک لە هاونیشتمانیان دەكات

ئاڤا نیوز

 

بەڕێوەبەرایەتی پاسپۆرتی سلێمانی گۆڕانكاری لە دەرهێنانی پاسپۆرتدا دەكات و داوا لە هاونیشتمانیان دەكات ڕێنماییە نوێكان جێبەجێبكەن.

 

ئەوەی پێویستە بیزانیت: بەڕێوەبەرایەتی پاسپۆرتی سلێمانی داوا لەو هاونیشتمانیانە دەكات كە تەمەنیان لەسەروو 18 ساڵەوەیە كاتێک سەردانیان دەكەن بۆ مامەڵەی دەرهێنانی پاسپۆرت دەبێت كارتی زانیاری دایک یان باوكیان پێبێت.

 

ڕاگەیێنراوی فەرمی: بەڕێوەبەرایەتی پاسپۆرتی سلێمانی ڕایگەیاند: هەر كەسێک  تەمەنی لە سەروو 18 ساڵەوەیە و کارتی زانیاری بە ناوی باوک یان دایکیەوەیەتی، واتە هاوسەرگیریان نەکردووە، لە کاتی مامەڵەی پاسپۆرت پێویستە کارتی نیشتیمانی باوک و دایکیان بهێنن.

 

زانیاری زیاتر: ئەو كەسەی كە دایک یان باوكی كۆچی دوایی كردووە، دەبێت وەفاتنامەكەی لەگەڵ خۆی بباتە پاسپۆرتی سلێمانی بۆ دڵنیابوون لە ناسنامەكە.

 

ئەمەش بزانە: ئەم گۆڕانكارییەی پاسپۆرتی سلێمانی بۆ دڵنیابوونە لە ناسنامەی تەواوتی كەسەكە و ناوی بەخێوكەرەكەی.