سبەی یەكەم كاروانی حاجییان بەرەو سعودیە بەڕێ دەكەون

ئاڤا نیوز

گوتەبێژی بەڕێوەبەرایەتیی گشتیی حەج و عومرەی هەرێمی كوردستان ڕایگەیاند، سبەی یەكەم كاروانی حاجییانی هەرێمی كوردستان لەڕێگەی گەشتی ئاسمانییەوە بەرەو سعودیە بەڕێ دەكەون.

لێدوانی فەرمی: كاروان ستوونی، گوتەبێژی بەڕێوەبەرایەتیی گشتیی حەج و عومرەی هەرێمی كوردستان بە ئاڤا نیوزی گوت: "ئەمساڵ چوار هەزار و 685 حاجی هەرێمی كوردستان بە مەبەستی بەجێهێنانی فەریزەی حەج، گەشت بۆ سعودیە دەكەن زیاتر لە هەزار و 400 كەسیان بە ڕێگەی وشكانی گەشت دەكەن".

ئەوەی پێویستە بیزانیت: ئەمساڵ تێچووی حەج بە دیناری عێراقی وەرگیراوە و دۆلاریش بە نرخی بانكی ناوەندی وەرگیراوە بە 132 هەزار دینار؛ تێچووی ڕێگەی وشكانی پێنج ملیۆن و 300 هەزار دینار و ڕێگەی ئاسمانیش شەش ملیۆن و 350 هەزار دینارە.

زانیاریی زیاتر: لە 29-5-2024 یەكەم كاروانی حاجییان بە ڕێگەی وشكانی بەڕێ دەكەون.