عێراق.. لە یەک مانگدا زیاتر لە پێنج هەزار هاوژین جیابوونەتەوە

ئاڤا نیوز 

بەپێی ئامارێکی ئەنجوومەنی باڵای دادوەریی عێراق، تەنیا لە مانگی چواری ئەمساڵ لە پارێزگاکانی عێراق جگە لە هەرێمی کوردستان، زیاتر لە پێنج هەزار هاوژین جیابوونەتەوە.

ژمارەکان وا دەڵێن: بەپێی ئاماری ئەنجوومەنی باڵای دادوەریی عێراق تەنیا لە مانگی نیسانی ئەمساڵ 21 هەزار و 851 گرێبەستی هاوسەرگیری لە دادگەکان و دەرەوەی دادگەکان تۆمارکراوە، لە بەرامبەردا پێنج هەزار و 537 هاوژین جیابوونەتەوە.

زانیاریی زیاتر: هەر بەپێی ئاماری ئەنجوومەنەکە لە مانگی ئازاری ئەمساڵ، لە کۆی 24 هەزار و 88 هاوسەرگیری، شەش هەزار و 222 جیابوونەوە تۆمار کرابوو.

ئەوەی پێویستە بیزانیت: بەگشتی لە ساڵی 2023، لە پارێزگاکانی عێراق جگە لە هەرێمی کوردستان، نزیکەی 70 هەزار هاوژین جیابوونەتەوە.

هۆکارە زانراوەکان: "دیارترین هۆکارەکانی جیابوونەوە، کەمی ڕۆشنبیریی خێزانی، لێکتێنەگەیشتن، تووندوتیژی خێزانی، دەستوەردانی کەسوکار، بە شوودانی پێشوەختە، دۆخی دارایی، خیانەتی هاوسەرگیری، خراپ بەکارهێنانی ئامێرەکانی پەیوەندیکردن و فرەژنییە".