سەرەتای هەفتەی داهاتوو پارێزگاری دیالە هەڵدەبژێردرێت

ئاڤا نیوز 

لە ماوەی دوو ڕۆژی داهاتوودا ئەنجوومەنی پارێزگای دیالە پارێزگاری نوێ هەڵدەبژێرێت، ئەوەش دوای زیاتر لە شەش مانگ دێت لە هەڵبژاردنی ئەنجوومەنی پارێزگاکانی عێراق.

وێنە گەورەکە: دوای تێپەڕبوونی زیاتر لە شەش مانگ بەسەر هەڵبژاردنەکانی ئەنجوومەنی پارێزگاکانی عێراق، تا ئێستا بەهۆی ناکۆکیی لایەنەکان پارێزگاری دیالە دیاری نەکراوە.

ڕاگەیێنراوی فەرمی: تورکی جەدعان، سەرۆکی ئەنجوومەنی پارێزگای دیالە ڕایگەیاند:"هێزە سیاسییەکان سازانیان لەسەر هەڵبژاردنی عەبدولرەسوڵ عەتبی، بەربژێری چوارچێوەی هەماهەنگی کردووە بۆ پۆستی پارێزگاری دیالە".

زانیاریی زیاتر: "لە ماوەی 24 تا 48 کاتژمێری داهاتوو دانیشتنی هەڵبژاردنی پارێزگاری نوێ ئەنجامدەدرێت". تورکی جەدعان ئەوەشی گوت.

ئەوەی پێویستە بیزانیت: ئەنجوومەنی پارێزگای دیالە، لە 15 کورسی پێکدێت کە سوننە و شیعەکان هەریەکەو حەوت کورسیان هەیە و کوردیش یەک کورسی.