ئەنجوومەنی ئاسایش داوای کۆتاییهێنان بە گەمارۆی سەر دارفوور دەکات

ئاڤا نیوز

ئەنجوومەنی ئاسایشی نەتەوە یەکگرتووەکان داوا دەکات، کۆتایی بە گەمارۆی سەر هەرێمی دارفوور لە سوودان بهێنرێت.

وێنە گەورەکە: بە هۆی شەڕی ناوخۆی نێوان هێزەکانی سەر بە حکومەتی و هێزە میلیشیاییەکانی سوودان گەمارۆ خراوەتە سەر دارفوور و قەیرانێکی مرۆیی گەورە سەریهەڵداوە. ئەنجوومەنی ئاسایش داوا دەکات کۆتایی بە گەمارۆی سەر ئەلفاشر بهێنرێت کە لە لایەن 'هێزەکانی پشتیوانیی خێرا'وە بەسەریدا سەپێنراوە. 

زانیاریی زیاتر: بڕیارەکەی ئەنجوومەنی ئاسایش لەلایەن بەریتانیاوە ئامادە کراوە و لە کۆی 15 دەنگ، 14 دەنگی بەڵێی بەدەست هێنا و ڕووسیاش خۆی لە دەنگدان پاراست.