سەرۆک بارزانی گەڕایەوە هەولێر

ئاڤا نیوز

 

دوای دوو ڕۆژ لە سەردانی بۆ بەغدا، سەرۆک بارزانی ئێوارەی ڕۆژی پێنجشەممە لەڕێگەی فڕۆكەخانەی نێودەوڵەتی هەولێرەوە گەیشتەوە هەرێمی كوردستان.

 

وێنە گەورەکە: سەرۆک بارزانی بۆ یەکلاییکردنەوەی ژمارەیەک پرسی سیاسی و کێشە هەڵپەسێردراوەکان بە سەردانێکی دوو ڕۆژە لە بەغدایە؛  بەرپرسانی باڵای عێراق لە حیزب و حکومەت، هەروەها ژمارەیەکی زۆر لە باڵیۆزی وڵاتانی بینیوە و چەندین دۆسیەی گرنگیان تاوتوێ کردووە.

 

ئەوەی پێویستە بیزانیت: لە سەردانەكەیدا چاوی بە سەرجەم باڵیۆزی وڵاتان لە عێراق كەوت، لەگەڵ دەیان بەرپرسی عێراق لەبارەی پەیوەندییەكانی هەرێمی كوردستان و عێراق و پرسە چارەنووسسازەكان كۆبوونەوەی ئەنجامدا.

 

زانیاریی بەدەستهاتوو: بەپێی ئەو زانیارییانەی ئاڤا نیوز لە سەرچاوە عێراقییەكانەوە دەستی كەوتووە، كۆبوونەوەكانی سەرۆک بارزانی ئەنجامی باشیان هەبووە و لایەنە عێراقییەكان بە پێشنیاز و ڕاسپاردەكانی سەرۆک بارزانی ڕازی بوون.