كۆمیسیۆن: چەند وێستگەیەكی دەنگدانی تایبەت لە دەرەوەی هەرێمی كوردستان دادەنێین

ئاڤا نیوز 

کۆمیسیۆنی هەڵبژاردنەکانی عێراق بۆ هەڵبژاردنی پەرلەمانی كوردستان كە بڕیارە 20-10-2024 بكرێت، 23 وێستگەی دەنگدان، بۆ هێزە ئەمنییەکان لە دەنگدانی تایبەت لە پارێزگاکانی عێراق ئامادە دەکات.

وێنە گەورەکە: بەپێی بڕیاری سەرۆكایەتی هەرێمی كوردستان، بڕیارە 20 ی تشرینی یەكەمی ئەمساڵ هەڵبژاردنی خولی شەشەمی پەرلەمانی كوردستان بەڕێوەبچێت.

ڕاگەیێنراوی فەرمی: عیماد جەمیل، سەرۆکی تیمی ڕاگەیاندنی کۆمسیۆنی هەڵبژاردنەکان عێراق ڕایگەیاند:"وێستگەکانی دەنگدانی تیابەت لە بەغدا 10 وێستگە دەبن، شەش وێستگەش لە نەینەوا، کەرکووک و سەڵاحەدین هەر یەکەو دوو وێستگە، سێ وێستگەی دیکە لە دیالە، واست و ئەنبار".

زانیاریی زیاتر: "لەو وێستگانە هەزار و 102 دەنگدەری تایبەت لە هێزە ئەمنییەکان دەنگ دەدەن". عیماد جەمیل ئەوەشی گوت.

ئەوەی پێویستە بیزانیت: کۆمیسیۆنی هەڵبژاردنەکانی عێراق لە سێی ئەم مانگەدا، دەرگای خۆبەربژێرکردن و تۆمارکردنی پارت و هاوپەیمانییەکانی تاوەکو 15ی مانگ بەڕووی بەربژێراندا واڵا کرد.