لە هەولێر زیاتر لە 81 هەزار تۆن خۆراکی ماوەبەسەرچوو دەستی بەسەردا گیراوە

ئاڤا نیوز  

بەڕێوەبەری بەڕێوەبەرایەتیی چاودێری بازرگانیی هەولێر ڕایگەیاند، لە ماوەی شەش مانگی ڕابردوودا زیاتر  لە 81 هەزار تۆن ماددەی خۆراکی ماوەبەسەرچوو دەستی بەسەردا گیراوە.

لێدوانی فەرمی: هۆگر عەلی، بەڕێوەبەری بەڕێوەبەرایەتی چاودێری بازرگانی هەولێر بە ئاڤا نیوزی ڕاگەیاند: "تەنیا لە شەش مانگی سەرەتای ئەمساڵدا 81 هەزار و 824 تۆن ماددەی خۆراکی ماوەبەسەرچوو دەستی بەسەردا گیراوە، تیمەکانمان بەردەوام دەبن لە سەردانکردنی شوێنەکان، بۆ ئەوەی سەلامەتی بازاڕەکان بپارێزن".

ژمارەکان وا دەڵێن: ئامارەکانی شەش مانگی ڕابردووی بەڕێوەبەرایەتیی چاودێریی بازرگانیی هەولێر:

-    بڕی 107 ملیۆن و 215 هەزار دینار سزای ئەو کەسانە دراوە کە سەرپێچییان کردووە.

-     زیاتر لە حەوت هەزار و  863 جار سەدانی شوێنەکان کراوە.

-    ژمارەی ئەو کەسانەی سەرپێچییان کردووە  647 کەس بوون.

-    14 شوێن داخراون.