گرفتی کەمئاوی ڕوو له‌ زیقار ده‌كات

ئاڤا نیوز

 

هاووڵاتیانی زیقار به‌ده‌ست گرفتی کەمئاوییه‌وه‌ ده‌ناڵێنن و فه‌رمانگه‌ی ئاوی پارێزگاكه‌ش داوای کەمکردنەوەی بەکارهێنانی ئاو ده‌كات.

 

وێنە گەورەکە: ساڵانە لە وەرزی هاویندا زۆربه‌ی پارێزگاكانی عێراق ڕووبەڕووی کەمئاوی دەبنەوە، بەڵام ئەمساڵ له‌پارێزگای زیقار گرفته‌كه‌ زیادی كردووه‌ و به‌ره‌و قه‌یران ده‌ڕوات.

 

ڕاگەیێنراوی فەرمی: فه‌رمانگه‌ی ئاوی زیقار ڕایگەیاند: ئێستا ئاو له‌ وێستگەی پاڵاوتنی ئیفرازی سه‌ره‌كیی پارێزگاكه‌ به‌ره‌و كه‌می ده‌ڕوات، ستافی فه‌رمانگاكه‌ش له‌ئاماده‌باشیدان بۆ چاره‌سه‌ری ئه‌م گرفته‌.

 

هۆکارە زانراوەکان: فه‌رمانگاكه‌ ئاشكرای كرد كه‌ هۆكاری كه‌مبوونه‌وه‌ی ئاو ده‌گه‌ڕێته‌وه‌ بۆ كه‌می كاره‌با و به‌هه‌ڵمبوونی سه‌رچاوه‌كانی ئاو، داواش له‌ هاوبه‌شه‌كانی‌ ده‌كات به‌كارهێنانی ئاو كه‌م بكه‌نه‌وه‌ بۆ نزمترین ئاست تاوەکو گرفتی نەبوونی ئاوی یه‌كجاره‌كی ڕوونه‌دات.