کورد و زۆرینەی سوننە لەگەڵ دەرکردنی ‌هێزەکانی ئەمریکا نین

ئاڤا دیجیتاڵ

 

ئەنجوومەنی نوێنەرانی عێراق کۆدەبێتەوە و دانیشتنەکەش تایبەت دەبێت بە هێرشەکانی سەر عێراق و پێشێلکردنی سەروەری ئەو وڵاتە، ئەندامێكی كوردی ئەنجوومەنەكەش دەڵێت ""کورد و زۆرینەی سوننە لەگەڵ دەرکردنی ‌هێزەکانی ئەمریکا نین".

ئەوەی پێویستە بیزانیت: بڕیارە کاتژمێر پێنجـی ئێوارەی ئەمڕۆ شەممە، پەرلەمانی عێراق دانیشتنێکی تایبەت بۆ تاوتوێ کردنی هێرشەکانی سەر سەروەری عێراق ئەنجام بدات.

لێدوانی فەرمی: موسەننا ئەمین، ئەندامی ئەنجوومەنی نوێنەرانی عێراق  بە ئاڤا میدیای ڕاگەیاند: هەندێک هێزی چەکدار لە دەرەوەی ویستی و ئیرادەی دەوڵەت پەلاماری ئەمریکا دەدەن و ئەمریکاش وەڵام دەداتەوە، ئێمە لەگەڵ ئەوە نین هیچ هێز و گرووپێکی چەکدار ئیرادەی خۆی بسەپێنێت، عێراق بخاتە ڕووبەڕووبوونەوەیەک لەگەڵ ئەمریکا یان هەر وڵاتێکی دیکە.

 

"هیچ لایەنێکی کوردستانی پشتیوانی داوای کردنە دەرەوەی هێزەکانی لە عێراق نەکردووە، زۆرینەی سوننەکانیش بەهەمان شێوەی کورد پشتیوانی ئەو بڕیارە ناکەن".