لە دهۆک بە گوژمەی 20 ملیار دینار چەند شەقامێک دروستدەکرێت

ئاڤا نیوز  

 

بەڕێوەبەری گشتی شارەوانی دهۆک ڕایگەیاند، بە گوژمەی 20 ملیار دینار پرۆژەی دروستكردنی چەند شەقامێكی 60 مەتری و 30مەتری لە تەناهی جێبەجێ كراوە و ٪55ی کارەکانی تەواو بووە.

  
وێنە گەورەکە: لە چوارچێوەی پرۆژە خزمەتگوزارییەكانی كابینەی نۆیەمی حكومەتی هەرێمی كوردستان و پلانی پارێزگاری دهۆك و شارەوانییەكانی دهۆك چەند شەقامێكی 60مەتری و 30مەتری لە سنووری شارەوانیی تەناهی دروست دەكرێن.

 

لێدوانی فەرمی: دیار بەحری، بەڕێوەبەری گشتی شارەوانی دهۆک بە ئاڤا نیوزی ڕاگەیاند: یەكێكە لە پرۆژە خزمەتگوزارییەكانی حكومەتی هەرێمی كوردستان، کە گوژمەی 20 ملیار دینار بۆ تەرخانکراوە و ماوەی 200 ڕۆژە پڕۆژەکە دەستی پێکردووە، خۆی 700 ڕۆژی بۆ دانراوە، بەڵام کارەکان زۆر بە خێرای بەرێوەدەچن چاوەرێ دەکرێت زووتر لەو کاتەی بۆی دیاری کراوە کۆتایی پێبێت، ٪55ی کارەکانی تەواو بووە.

 

بۆچی گرنگە: دەبێتە هۆی ئاسانکاری هاتوچۆ کردن بۆ دانیشتووانی دەڤەرەکە و دەیبەستێتەوە بە پارێزگای دهۆک.