عێراق دووەم هاوردەکاری ئامێری فێنككه‌ره‌وه‌ی چینییە

ئاڤا نیوز

 

لە شه‌ش مانگی سەرەتای ئەمساڵدا، عێراق له‌ پلەی دووەمی هاوردەکاری ئامێری فێنككه‌ره‌وه‌ی چینی دێت دوای ژاپۆن.

 

وێنە گەورەکە: بەپێی ئەو داتایانەی سەنتەری "عێراقی ئاینده‌" بۆ لێکۆڵینەوە و ڕاوێژی ئابووری بڵاوی کرده‌وه‌، لە نیوەی یەکەمی ئەمساڵ، زیاتر لە دوو ملیۆن و 400 هەزار ئامێری فێنككه‌ره‌وه‌ی لە چینەوە هاوردە کراون.

 

لێدوانی فەرمی: مەنار عوبەیدی، سەرۆکی سەنتەری "عێراقی ئاینده‌"  ڕایگەیاند: عێراق ته‌نیا لە نیوەی یەکەمی ئه‌مساڵدا به‌ به‌های 757 ملیۆن دۆلار ئامێری فێنككه‌ره‌وه‌ی لە چینەوە هاوردە کردووە" .

 

زانیاریی زیاتر: له‌گه‌ڵ هاورده‌ی وڵاتانی دیکە کە باس نەکراون له‌ بڵاوکراوه‌كە، عێراق له‌ پله‌ی یه‌كه‌می وڵاتان دێت بۆ هاورده‌كردنی ئامێری فێنككه‌ره‌وه‌.