مالیكی و سەدر سەبارەت بە سەرۆكوەزیرانی داهاتوو لێكتێگەیشتنیان هەیە

ئاڤا نیوز

دەوڵەتی یاسا و ڕەوتی نیشتیمانی شیعە گەیشتوونەتە لێكتێگەیشتنێك كە نووری مالیكی بەربژێری داهاتوویانە بۆ پۆستی سەرۆكوەزیرانی عێراق.

لێدوانی فەرمی: عەقیل فەتلاوی، گوتەبێژی هاوپەیمانی دەوڵەتی یاسا لە چاوپێكەوتنێكدا ڕایگەیاند: دەوڵەتی یاسا یەكێكە لەو هاوپەیمانییانەی یەكڕیزن لەگەڵیدا، هێشتا نووری مالیكی بەربژێری دەوڵەتی یاسایە بۆ پۆستی سەرۆكی حكومەتی داهاتوو، بە قورسیشی دەزانین سوودانی بۆ خولێكی دیكە ببێتەوە بە سەرۆكوەزیران.

زانیاریی زیاتر: پەیوەندی نێوان دەوڵەتی یاسا و ڕەوتی سەدر تایبەتمەندییەكی دیاریكراوی وەرگرتووە،  دیالۆگ لەگەڵ ڕەوتی نیشتیمانی شیعە بەسەرۆكایەتی موقتەدا سەدر كراوە، یەكەم پەیامیش كە پێشكەشمان كردن ئامادەبوونمان بوو بۆ هەڵبژاردنی پێشوەخت، ئەگەر بێتوو ئەو هەڵبژاردنە سەدریەكان بگەڕێنێتەوە بۆ پرۆسەی سیاسی، بەڵام تائێستا وەڵاممان نەدراوەتەوە.

فەتلاوی ئەوەشی گوت.

وێنە گەورەكە: موقتەدا سەدر لە هەڵبژاردنی 2021 هاوپەیمانییەكی پێكهێنا و توانی 73 كورسی پەرلەمانی عێراق بەدەستبهێنێت، بەڵام لە ساڵی 2022 پەرلەمانتارەكانی كشانەوە و بەوەش قەیرانێكی سیاسی دروستبوو.