ئەمریكا: دۆخی ڕۆژهەڵاتی ناوەڕاست ئاڵۆزە

ئاڤا نیوز 

 

وەزارەتی دەرەوەی ئەمریكا هۆشداریی دەداتە هاووڵاتیانی و دەڵێت “دۆخی ڕۆژهەڵاتی ناوەڕاست ئاڵۆزە”.

 

 

وێنە گەورەكە: میدیاكانی ئێران بڵاویان كردەوە كە لە تۆڵەی كوشتنی ئیسماعیل هەنیە، بەرەبەیانی ئەمڕۆ جیهان شایەتی هێرشی ئێران دەبێت بۆ سەر ئیسرائیل، میدیاکانی ئیسرائیلیش دەڵێن "لە چەند كاتژمێری داهاتوودا ئێران هێرش دەكات".

 

زانیاریی زیاتر: لەمەڕ دروستبوونی گرژی و ئاڵۆزی لە ڕۆژهەڵاتی ناوەڕاست لە ئەگەری هێرشی ئێران بۆ سەر ئیسرائیل و بە پێچەوانەشەوە، وەزارەتى دەرەوەى ئەمریکا، داوا لە هاوڵاتیانى وڵاتەکەى لە ڕۆژهەڵاتى ناوەڕاست دەکات كە بەهۆى گرژییەکانى ناوچەکەوە هۆشداربن.

 

مەترسییەکان: وەزارەتی دەرەوەی ئەمریكا دۆخی ڕۆژهەڵاتی ناوەڕاستی بە "ئاڵۆز" وەسف كردووە.

 

لەلایەكی دیكەوە: لوید ئۆستن، وەزیری بەرگریی ئەمریکا بە وەزیری بەرگریی ئیسرائیلی ڕاگەیاندووە كە  ئەمریکا پشتیوانی بەهێز لە ئاسایشی تێلئەڤیڤ دەکات.