ئەفسەرێکی کۆماندۆ دوو کەسی بەتەمەن بریندار دەکات

ئاڤا نیوز

 

ئەمشەو لە گەڕەکی زێڕینۆکی سلێمانی ئەفسەرێکی کۆماندۆ تەقە لە دوو هاونیشتمانی دەکەن و برینداریان دەکەن.

 

وێنە گەورەکە: هاونیشتمانیان  لەماوەی ڕابردوودا لەلایەن هێزەکانی کۆماندۆوە لە پارێزگای سلێمانی ڕووبەڕووی  چەندین ڕووداوی کوشتن و بریندارکردن و ڕفاندنیان بوونەتەوە.

 

زانیاری بەدەستهاتوو: سەرچاوەیەک لە خانەوادەی یەکێک لەبریندارەکان بە ئاڤا نیوزی ڕاگەیاند: دوو کەس بریندارن، یەکێکیان بە تەمەنە و برینی سەختە، لەسەر هەمان دۆسیە هێزە ئەمنییەکانی سلێمانی بازرگانێکیان بەناوی "کوردۆ شەهید ئیبراهیم" ڕفاندووە.

 

ئەوەی پێویستە بیزانیت: ماوەیەکە هێزە ئەمنییەکانی سلێمانی بە تایبەت هێزی کۆماندۆ بەشداری لە کێشە کۆمەڵایەتییەکان دەکەن، بۆ نموونە کەسێک قەرزی لای کەسێکی دیکە بێت، بەرامبەر بڕێک پارە ئەو هێزە تیمێک دەنێرێت و پارەکە وەردەگرێتەوە.