پڕۆژەی ئاوی ئیفراز سێی هەولێر چاکدەکرێتەوە

ئاڤا نیوز

تیمەکانی بەڕێوەبەرایەتیی ئاوی هەولێر بەردەوامن لە کارکردن بۆ چاککردنەوەی بۆری ئاوی ئیفراز سێی هەولێر و پێشنیوەڕۆی ئەمڕۆ کارەکانی تەواو دەبێت.

وێنە گەورەکە: پڕۆژەی ئاوی ئیفراز سێ سەرچاوەی سەرەکی نزیکەی 40 گەڕەکی شاری هەولێرە کە دەکاتە 40%ـی دانیشتووانی شارەکە، لەگەڵ تێکچوونی کێشەی ئاوی خواردنەوەیان بۆ دروست دەبێت.

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە ئاڤای ڕاگەیاند، تیمەکان خەریکی دانانەوەی بۆڕییەکانن و چاوەڕێ دەکرێت پێشنیوەڕۆی ئەمڕۆ چوارشەممە پرۆسەی چاککردنەوەی تەواو بێت و ئاو بگاتەوە دانیشووان.

باکگراوند: دوا نیوەڕۆی ڕۆژی دووشەممە 19-5-2025، بۆڕی ئاوی ئیفراز سێ لەنێوان گوندەکانی دارەبەن و گەزنە لە هەولێر شکا، هۆکاری شکانی بۆڕییەکە هاووڵاتییەک بووە کە هەستاوە بە کاری هەڵکەندن و بەوهۆیەوە بۆڕییەکە شکاوە.