ئەمریکا پلانێکی ئێران بۆ کوشتنی کاربەدەستانی پووچەڵدەکاتەوە

ئاڤا نیوز

 

دەزگای هەواڵگریی ئەمریکا، پووچەڵکردنەوەی پلانی ئێران بۆ کوشتنی کاربەدەستانی ئەمریکی لە تۆڵەی کوشتنی قاسم سولەیمانی ڕادەگەیەنێت.

 

ئەوەی پێویستە بیزانیت: واشنتن هێرشێکی پووچەڵ کردووەتەوە کە لەلایەن پاکستانییەکی پەیوەندیدار بە تارانەوە پلانی بۆ دانرابوو بۆ "تیرۆرکردنی" بەرپرسانی ئەمریکا، وەک تۆڵەسەندنەوەی کوشتنی قاسم سولەیمانی، فەرماندی پێشووی سوپای پاسداران. 

 

ڕاگەیێنراوی فەرمی: کریستۆڤەر ڕای، بەڕێوەبەری نووسینگەی لێکۆڵینەوەی ئێف بی ئای ڕایگەیاند، هاووڵاتییەکی پاکستانی، بەناوی ئاسیف مێرچانت کە پەیوەندی بە ئێرانەوە هەیە دەستگیرکرا و تۆمەتبارکرا بە هەوڵدان بۆ "کوشتنی جەند کاربەدەستێکی ئەمریکی".

 

لەلایەکی دیکەوە: مومتاز زەهرا بەلوچ، گوتەبێژی وەزارەتی دەرەوەی پاکستان ڕایگەیاند، حکومەت لە پەیوەندیدایە لەگەڵ واشنتن و چاوەڕوانی وردەکاریی زیاتر دەکات.

 

پێدراوە ڕاستەکان: مێرچانت تەمەن 46 ساڵ،  لە 12ـی تەمموز لەلایەن بریکارەکانی FBI دەستگیرکراوە، ئەو "پەیوەندی بە ئێرانەوە هەیە" چونکە هاوسەر و منداڵەکانی لە تاران نیشتەجێن، ئاماژەی بەوە دا کە خێزانی دووەمی لە شاری کەراچی پاکستانە.

 

باکگراوند: لە سەردەمی سەرۆکایەتی دۆناڵد ترەمپ، لە03-01-2020، قاسم سولەیمانی، فەرماندەی فەیلەقی قودسی سوپای پاسدارانی ئێران لە ڕۆژهەڵاتی ناوەڕاست لە هەڵمەتێکدا کە لەلایەن فڕۆکەیەکی بێفڕۆکەوانی ئەمریکییەوە لە بەغدا کوژرا.