دەنگدانی ئەزموونی لە کوردستان بەڕێوەدەچێت

ئاڤا نیوز 

 

لە چوارچێوەی ئامادەکارییەکان بۆ هەڵبژاردنی پەرلەمانی کوردستان، کۆمیسیۆنی هەڵبژاردنەکانی عێراق لەم مانگەدا دوو پڕۆسەی دەنگدانی ئەزموونی، لە 181 وێستگەی دەنگدان لە پارێزگاکانی هەرێمی کوردستان بەڕێوەدەبات.

 

وێنە گەورەكە: ڕۆژی 20ـی تشرینی یەکەمی ئەمساڵ، بۆ بەڕێوەچوونی خولی شەشەمی هەڵبژاردنی پەرلەمانی کوردستان دیاری کراوە، كۆمیسیۆنی باڵای سەربەخۆی هەڵبژاردنەكانیش لە ئامادەكارییەكانی بۆ بەڕێوەبردنی ئەو هەڵبژاردنە بەردەوامە.

 

لێدوانی فەرمی: وەلید خالید عەباس، بەرپرسی فەرمانگەی تەکنەلۆجیا لە کۆمیسیۆنی هەڵبژاردنەکانی عێراق بە رۆژنامەی سەباح-ـی ڕاگەیاندووە، ڕۆژانی 12 و 25ـی ئەم مانگە کۆمیسیۆن لە 181 وێستگەی دەنگدان، تاقیکردنەوەی ئەزموونی هەڵبژاردن بۆ بۆ هەڵبژاردنی پەرلەمانی کوردستان ئەنجام دەدات.

 

زانیاریی زیاتر: "لە هەولێر لە 56 وێستگە، لە سلێمانی لە 76 وێستگە، لە دهۆک لە 43 وێستگە و لە پارێزگای هەڵەبجەش لە شەش وێستگەی دەنگدانی گشتی و تایبەت، دەنگدانی ئەزموونی ساز دەکرێت، ئامانجیش لەو هەنگاوەی کۆمیسیۆن بۆ ئەوەیە کارایی ئامێرەکان بزانین لە بواری ناردنی ئەنجامەکانی دەنگدان لە وێستگەکانەوە بۆ ناوەندی نیشتیمانی".