هۆکاری کەمبوونەوەی هاوکاریی دارایی هاوپەیمانان بۆ پێشمەرگە ئاشکرا دەکرێت

ئاڤا نیوز 

 

دابەشکردنی هاوکاریی هاوپەیمانان بۆ پێشمەرگە دەستیپێکرد ئەو بڕەی وەک هاوکاری لەلایەن هاوپەیمانانەوە بۆ ‌هێزەکانی پێشمەرگە دابین دەکرێت دەستکاری نەکراوە، لەکاتێکدا بڕی هاوکارییەکە 47 هەزار دینار کەمی کردووە.

 

وێنە گەورەکە: هاوپەیمانان تاوەکو 01-01-2026 مانگانە 13 ملیار و 500 ملیۆن دینار وەک هاوکاری دارایی بۆ لیوا هاوبەشەکانی پێشمەرگە دابین دەکەن، بۆ مووچەی مانگی حەوت هێزی پشتیوانی دوو و بەڕێوەبەرایەتی ژمێریاری وەزارەتی پێشمەرگەش زیادکراون.

زانیاریی بەدەستهاتوو: سەرچاوەیەک لە وەزارەتی پێشمەرگە بە ئاڤا نیوزی گوت، "بڕی هاوکاریی مانگانەی هاوپەیمانان وەک خۆیەتی، بەڵام بەهۆی زیادبوونی ژمارەی ئەو پێشمەرگانەی کە لە هاوکارییەکە سوودمەند دەبن، بڕەکە کەمدەبێتەوە، چونکە لە هاوکاری ئەوان دابین دەکرێت".

 

ئەوەی پێویستە بیزانیت: ساڵی 2016 هێزەکانی هاوپەیمانان بڕی 28 ملیار و 500 ملیۆن دیناریان بۆ مووچەی مانگانەی هێزەکانی پێشمەرگە دابین دەکرد، بەڵام بەهۆی ئەوەی بەشێکی مووچە خرایە سەر وەزارەتی دارایی، بڕەکە بۆ نیوە کەمکرایەوە و وەک هاوکاری بە پێشمەرگە دەدرێت.