پەرتووکی "چیرۆکەکانی سۆلین" لە سلێمانی بڵاوکرایەوە

ئاڤا نیوز

بەشی ڕۆشنبیری  منداڵانی بەڕێوەبەرایەتی گشتی ڕۆشنبیری و هونەر لە سلێمانی، بە هەماهەنگی لەگەڵ بەڕێوەبەری گشتی چاکسازیی کۆمەڵایەتی و بەڕێوەبەرایەتی چاکسازیی گەورانی سلێمانی، مەراسیمێکیان بۆ بڵاوکردنەوەی پەرتووکی "چیرۆکەکانی سۆلین" ڕێکخست. 

چیرۆكی سەرەكی: پەرتووکی "چیرۆکەکانی سۆلین" بەرهەمی کۆمەڵێک نووسەری سزادراوی چاکسازی گەورانن لە شاری سلێمانی، لە پاش کردنەوەی خولێکی بەهێزکردنی تواناکان کە بۆ سزادراوان ڕێکخراوە. لە مەراسیمەکەدا خەڵاتی ڕێزلێنان بەخشرا بە نووسەرانی چیرۆکەکان. 

لێدوانی تایبەت: دکتۆر موحسین ئەدیب، بەڕێوەبەری گشتی ڕۆشنبیری و هونەری سلێمانی بە ئاڤا نیوزی ڕاگەیاند: ئامانج لە کردنەوەی ئەم خولە سوود وەرگرتنە لە وزە و کاتی سزادراوانی چاکسازی گەوران.

زانیاریی زیاتر: خولی بەهێزکردنی تواناکان ماوەی سێ مانگی خایاندووە و نزیکەی 100 کەس بەشداربوون، پەرتووکی "چیرۆکەکانی سۆلین" بەرهەمی 18 لە بەشداربووانی خولەکەیە.