واشنتن ناردنی کەشتیی لینکۆڵن بۆ ڕۆژهەڵاتی ناوەڕاست خێراتر دەکات

ئاڤا نیوز

وەزارەتی بەرگریی ئەمریكا ڕێكارەكانی ناردنی كەشتیی فڕۆكەهەڵگری ئوئێس ئێس ئەبراهام لینكۆڵن بۆ ڕۆژهەڵاتی ناوەڕاست خێراتر دەكات.

وێنە گەورەكە: بەهۆی پێكدادانی نێوان سوپای ئیسرائیل و گروپە چەكدارەكان و هەڕەشەكانی ئێران، گرژی و ئاڵۆزییەكان لە ڕۆژهەڵاتی ناوەڕاست بەردەوامن و مەترسیی سەرهەڵدانی جەنگێکی هەرێمی هەیە، ئەمریكاش بۆ پشتیوانیكردنی ئیسرائیل و ڕێگریكردن لە ئاڵۆزییەكانی ناوچەكە، كەشتیی فڕۆكەهەڵگری ئەبراهام لینكۆڵن بۆ ڕۆژهەڵاتی ناوەڕاست دەنێرێت.

لێدوانی فەرمی: پات ڕایدەر، گوتەبێژی پنتاگۆن ڕایگەیاند:”لۆید  ئۆستن، وەزیری بەرگریی ئەمریكا فەرمانی بە كەشتیی یو ئێس ئێس ئەبراهام لینکۆڵن و  فڕۆکە جەنگییەکانی ئێف 35 داوە خێراتر بۆ ڕۆژهەڵاتی ناوەڕاست جووڵە بکەن".

ئەمەش بزانە: لەگەڵ كەشتییە فڕۆكەهەڵگرەكە ئەمریكا ژێردەریاگەڕی یو ئێس ئێس جۆرجیایی بۆ ڕۆژهەڵاتی ناوەڕاست ناردووە، پێشترش كەشتی فڕۆكەهەڵگری یو ئێس ئێس سیدۆر ڕۆسفێڵدی بۆ ڕۆژهەڵاتی ناوەڕاست ناردبوو.