قەرزە ناوخۆییەکانی عێراق بۆ ئاستێکی زۆر بەرز دەبێتەوە

ئاڤا نیوز

 

توێژەرێکی کاروباری ئابووری نیگەرانی خۆی له کاریگەرییە نەرێنییەکانی زیادبوونی قەرزی حکومەت دەردەبڕێت و ئاشکرای دەکات که حکومەت له ماوەی شەش مانگی ڕابردوو بڕی 10 تریلیۆن دیناری قەرزه کردووه.

 

لێدوانی فەرمی: مەنار عوبەیدی، توێژەری کاروباری ئابووری بۆ ئاڤا نیوز، نیگەرانی خۆی له کاریگەرییە نەرێنییەکانی زیادبوونی قەرزی حکومەت دەربڕی و ئاماژەی بۆ ئەوە کرد، قەرزی ناوخۆیی لە ماوەیەکی کورتدا بە رێژەی 11% زیاد کردووە".

 

زانیاریی زیاتر: عوبەیدی ئاماژە بۆ ئەوەش دەکات، کۆی قەرزەکانی ئەم قەوارانە گەیشتووەتە 21 تریلیۆن دینار کە دەکاتە 17%ـی قەبارەی پارەی بانکە بازرگانی و حکومییەکان و 10%ـی سەرمایەی بانکەکان.

 

لەلایەکی دیکە: موعین کازمی، ئەندامی لیژنەی دارایی لە پەرلەمان ڕایگەیاند، گفتوگۆ لەگەڵ دەزگا حکومییەکان بەردەوامە بۆ تێگەیشتن لە هۆکارەکانی بەرزبوونەوەی بەرچاوی قەرزی ناوخۆ لە ماوەی دوو ساڵی ڕابردوودا و نەدانەوەی ئەو قەرزانە سەرەڕای دڵنیایی حکومەت لە بوونی زۆری دارایی.