لە سەرجەم پارێزگاکانی عێراق پشوو ڕاگەیێنرا

ئاڤا نیوز 

سەرۆکوەزیرانی عێراق بڕیاریدا یەکشەممەی داهاتوو لە سەرجەم پارێزگاکان بکرێتە پشوو، بڕیارەکەش پارێزگاکانی هەرێمی کوردستان ناگرێتەوە.

وێنە گەورەکە: بەبۆنەی چلەی ماتەمینی ئیمام حوسێن، لە سەرەتای هەفتەی داهاتوودا ملیۆنان زیارەتکاری شیعەمەزهەبی عێراقی و بیانی سەردانی مەزارگەی ئیمام حوسێن دەکەن لە شاری کەربەلا، ئەوەش بە یەکێک لە گرنگترین ڕووداوەکان لە مەزهەبی شیعە دادەنرێت.

ڕاگەیێنراوی فەرمی: ئەمینداریەتی ئەنجوومەنی وەزیرانی عێراق بڵاویکردەوە: هاوکات لەگەڵ نزیکبوونەوەی چلەی ماتەمینی ئیمام حوسێن، محەممەد شیاع سوودانی سەرۆکوەزیران بڕیاریداوە رۆژی یەکشەممە 25ی ئاب، لە سەرجەم وەزارەت و دامەزراوە حکومییەکان بکرێتە پشوو. 

ئەوەی پێویستە بیزانیت: بڕیارەکەی حکومەتی عێراق پارێزگاکانی هەرێمی کوردستان ناگرێتەوە، بەگوێرەی ڕۆژژمێری فەرمی پشووەکان لە کوردستان، ڕۆژی یەکشەممە 25ی ئاب ساڵیادی ئەنفالی بادینانە و وەک بۆنەیەکی فەرمی یادی دەکرێتەوە، بەڵام پشوو نابێت.