خۆپیشاندانی پەرستارانی ئێران دەگاتە شارە کوردییەکان

ئاڤا نیوز  

خۆپیشاندانی پەرستارانی ئێران، لەبەر کەمیی مووچە و کاری زۆر لە 20 شار و زیاتر لە 50 نەخۆشخانە درێژەی هەیە.

وێنە گەورەکە: دوو هەفتەیە خۆپیشاندان، لە زیاتر لە 20 شار و 50  نەخۆشخانەی ئێران بەردەوامە، هۆکارەکەش کاری زۆر و مووچەی کەمە. 

ئەوەی پێویستە بیزانیت: لە زۆربەی شارەکانی ئێران پەرستاران دەست لەکار دەکێشنەوە و ناڕەزایی خۆیان سەبارەت بە کەمبوونی مووچە و شایستە داراییەکانیان دەردەبڕن، ئەمڕۆ پەرستاران لە تارانی پایتەخت چوونەتە بەردەم وەزارەتی تەندروستی ئەو وڵاتە و داوای مافەکانی خۆیان كردووە.

زانیاریی زیاتر: لە شارە کوردییەکانیش وەکو کرماشان و مەریوان، پەرستاران مانیان لە کاركردن گرتووە و ناڕەزاییەتی خۆیان دەربڕیوە.

ئەمەش بزانە: ئەم خۆپیشاندانە یەکەم جار لە 2024-08-03، لە شاری شیراز دەستیپێکرد، دواتر تەشەنەی کرد بۆ زۆربەی شارەکانی دیكەی ئێران.