هەماهەنگیی نێوان ڕووسیا و چین قووڵتر دەبێت

ئاڤا نیوز 

لە درێژەیی پەیوەندییە بازرگانییەکانی نێوان ڕووسیا و چین، پاڵپشتی سیاسی و ئابووری نێوان هەردوو وڵات زیاتر دەبێت.

وێنە گەورەکە: ڕۆژی چوارشەممە 21-8-2024، ڤلادیمیر پووتین لەگەڵ بەرپرسێکی باڵای چین لە مۆسکۆ کۆبووەوە، ستایشی گەشەسەندنی پەیوەندییە بازرگانییەکانی لەگەڵ چین کرد، لە کاتێکدا کە هەردوو وڵات لە بەرامبەر ئالۆزییەکانی ڕۆژئاوا هاوبەشی خۆیان بەهێز دەکەن. 

لێدوانی فەرمی: ڤلادیمیر پووتین، سەرۆکی ڕووسیا ڕایگەیاند:''پەیوەندییە بازرگانییەکانمان لە گەشەکردندان، گەشەسەندنی سەرکەوتووانە،  گرنگیدانی هەردوو وڵات بە پەیوەندییە بازرگانی و ئابوورییەکان، ئەنجامی لێدەکەوێتەوە''. 

زانیاریی زیاتر: بەهۆی جەنگی ئۆکرایناوە، ڕووسیا ڕووبەرووی زۆرێک لە سزا نێودەوڵتییەکان بووەوە، بۆیە هەوڵیدا زیاتر پشت بە بازاڕ و کاڵا و وەبەرهێنانی چین ببەستێت. 

ئەمەش بزانە: چین بێلایەنی خۆی دیاریکردووە بەرامبەر بە ململانێی ئۆکراینا، بەڵام دوژمنایەتیی دژ بە ڕۆژئاوا خاڵی هاوبەشی نێوان هەردوولایە.