دادگەی فیدراڵی: وەرگرتنەوەی مۆڵەتی ئەو حیزبانەی سەر بە پەکەکەن یاسایییە

ئاڤا نیوز 

دادگەی فیدراڵی سکاڵایەکی دژی بڕیاری داخستنی ئەو حیزبانەی سەر بە پەكەكەن ڕەتکردەوە و دەڵێت، بڕیاری وەرگرتنەوەی مۆڵەتی کارکردن لەو حزبانە یاساییە.

وێنە گەورەکە: رۆژی 01-08-2024 و بەهۆی پەیوەندییان بە پەکەکەوە، دەستەی دادوەریی هەڵبژاردنەکانی عێراق مۆڵەتی کارکردنی لە حیزبی ئازادی و دیموکراسی ئێزدی، حیزبی بەرەی خەباتی دیموکراتیک و حزبی  تەڤگەری ئازادیی کۆمەڵگای کوردستان (تەڤگەری ئازادی) وەرگرتەوە و بڕیاری داخستنی بارەگاکانیانی دەرکرد.

ڕاگەیێنراوی فەرمی: دادگەی فیدراڵی ئەمڕۆ دووشەممە سکاڵایەکی ئارام ئیبراهیم ئەحمەد، سەرۆکی حزبی بەرەی خەباتی دیموکراتیکی ڕەتکردەوە، کە داوایکردبوو دادگەکە بڕیاری دەستەی دادوەریی کۆمیسیۆن بۆ داخستنی حزبەکەی هەڵبوەشێنێتەوە.

ئەوەی پێویستە بیزانیت: دەستەی دادوەری کۆمیسیۆنی هەڵبژاردنەکانی عێراق لە بڕیارەکەیدا ئاماژەی بەوەکردبوو، بڕیاری داخستنی ئەو سێ حزبە شیاوی تانەلێدانە، بەڵام "دوای یەکلاییبوونەوەی تانەکان بارەگای ئەو سێ حزبە دادەخرێن و دەستیش بەسەر سامانی داراییاندا دەگیرێت".