دەوڵەتی یاسا: تەقەدووم دەیویست مەندەلاوی بمێنێتەوە

ئاڤا نیوز

 

پەرلەمانتارێکی هاوپەیمانیی دەوڵەتی یاسا باس لە یەکەم دانیشتنی پەرلەمانی عێراق لەبارەی هەڵبژاردنی سەرۆکەکەی دەکات و دەڵێت، پارتی تەقەدووم دانیشتنەکەیان تێکدا و دەیانویست مەندەلاوی لەو پۆستە بمێنێتەوە.

 

وێنە گەورەکە: زیاتر لە نۆ مانگە محەممەد حەلبووسی، بە بڕیارێکی دادگەی فیدراڵی لە سەرۆکی پەرلەمان دوور خراوەتەوە، پەرلەمانیش سێ دانیشتنی کردووە بۆ یەکلاکردنەوەی پۆستەکە بەڵام بێ ئەنجام بووە، پەرلەمانتارێکیش پارتەکەی حەلبووسی تۆمەتبار دەکات لەمبارەیەوە.

 
لێدوانی فەرمی: بەها نووری، پەرلەمانتاری هاوپەیمانیی دەوڵەتی یاسا ڕایگەیاند: ئەندامانی پارتی تەقەدووم یەکەم دانیشتنی هەڵبژاردنی سەرۆکی پەرلەمانیان تێکدا، کاتێ بەربژێرەکەیان شەعلان کرەیم نزیک بوو لە سەرکەوتن، چونکە دەیانویست مەندەلاوی تاوەکو کۆتایی ئەم خولە لەو پۆستە بمێنێتەوە.

 

ئەوەی پێویستە بیزانیت: لە 18ـی نیسانی ئەمساڵ شەعلان کرەیم لەو کێبڕكێیە کشایەوە و ئێستا مەحموود مەشهەدانی و سالم عیساوی دوو بەربژێری سەرەکیی پۆستەکەن و چوارچێوەی هەماهەنگی مەرجی بۆ سووننە داناوە کە دەبێت لەسەر یەکێکیان ڕێکبکەون تاوەکو دانیشتنی پەرلەمان بۆ دەنگدان بە سەرۆکی پەرلەمان بەرێوەبچێت