کۆمیسیۆن سزای بەربژێر و لایەنە سەرپێچیکارەکان دەدات

ئاڤا نیوز

 

كۆمیسیۆنی باڵای سەربەخۆی هەڵبژاردنەكان سزای ئەو بەربژێر و لایەنە سیاسیانە دەدات كە پێش وادەی دیاریكراو دەستیان بە بانگەشەی هەڵبژاردن كردووە.

 

وێنە گەورەكە: ڕۆژی 20-10-2024 هەڵبژاردنی پەرلەمانی كوردستان بەڕێوەدەچێت و ڕۆژی 16-9-2024 وادەی دەستپێكردنەوەی بانگەشەی هەڵبژاردنە، لە ئێستادا ژمارەیەک بەربژێر و لایەنی سیاسی دەستیان بە بانگەشە كردووە.

 

لێدوانی فەرمی: ئامانج عەزیز، بەرپرسی ئۆفیسی سلێمانیی كۆمسیۆن بە ئاڤا نیوزی ڕاگەیاند: كۆمیسیۆن لیژنەیەكی باڵای بۆ چاودێریكردن كاندید و هاوپەیمانی و لایەنە سیاسییەکان هەیە بە ناوی 'تۆماركردنی سەرپێچییەكان'، هەر كەس و لایەنێک پێش وادەی دیاریكراو دەست بە بانگەشە بكات، تۆمار دەكرێت و بەپێی ڕێنماییەكان سزای دارایی دەدرێت.

 

زانیاریی زیاتر: جگە لەوە لیژنەیەكی دیكە هەیە بۆ وەرگرتن و تۆماركردنی سكاڵاكان، هەر كەسێک كە سەرپێچییەكی هەڵبژاردن لە پرۆسەی بانگەشە دەبینێت، دەتوانێت سكاڵاكەی بگەیێنێتە ئەو لیژنەیە و پاش دڵنیابوونەوە سەرپێچیكار سزا دەدرێت.