عێراق وادەی کۆتاییهاتنی ئەرکی هاوپەیمانیێتیی نێودەوڵەتی لە وڵاتەکەی ڕادەگەیێنێت

ئاڤا نیوز 

 

وەزیری بەرگریی عێراق ڕایگەیاند، لیژنەکانی هاوبەشەکانی نێوان عێراق - ئەمریکا ڕێککەوتوون لەسەر کشانەوەی هێزەکانی ئەمریکا لە عێراق، لەگەڵ پاراستنی هاوبەشی ئەمنیی نێوانیان.

 

وێنە گەورەکە: لیژنەیەکی باڵای هاوبەشی سەربازیی لە نێوان عێراق و هاوپەیمانیی نێودەوڵەتی دژ بە داعش بەسەرۆکایەتیی ئەمریکا بۆ پێداچوونەوە بە ئەرکی سەربازیی هاوپەیمانان پێکهێنراوە و تاوەکو ئێستا چەند کۆبوونەوەیەکیان کردووە.

 

لێدوانی فەرمی: سابت محەممەد سەعید، وەزیری بەرگریی عێراق ڕایگەیاند: ڕێککەوتنێکی عێراقی - ئەمریکی هەیە بۆ کۆتاییهێنان بە ئەرکی هاوپەیمانیی نێودەوڵەتی بە دوو قۆناغ، یەکەمیان ئەمساڵ دەستپێدەکات و تاوەکو ساڵی 2025 بەردەوام دەبێت، دووەمیشیان لە ساڵی 2026 کۆتایی دێت.

 

زانیاریی زیاتر: بەگوتەی سابت محەممەد، ئەمریکا پێشنیازێکی خستەڕوو کە دوو ساڵ بۆ کشانەوە ماوەیەکی بەس نییە، ئێمەش پێشنیازەکەمان ڕەتکردەوە بۆ زیادکردنی ساڵێکی دیکە بۆ ماوەی کشانەوەکە.