ئیسرائیل ژمارەی سەربازانی یەدەگ کەم دەکاتەوە

ئاڤا نیوز

ڕۆژنامەی وۆڵ ستریت جۆرناڵی ئەمریکای لە ڕاپۆرتێکیدا ئاماژەی بەوە داوە کە ئسیرائیل ژمارەی سەربازە یەدەگەکانی کەم دەکاتەوە.

وێنە گەورەکە: ئیسرائیل بە هۆی دوو ساڵ هێرشی بۆ سەر غەززە ڕووبەڕووی کێشەی کەمیی سەرباز و ئاستەنگ لە ڕاکێشانی هێزی نوێ بووبوویەوە بە جۆرێک کە بۆ دابینکردنی سەربازی نوێ پشتی بە ڕێگا ناباوی وەک بڵاوکردنەوەی ئاگاداری لە تۆڕە کۆمەڵایەتییەکان دەبەست.

زانیاریی زیاتر: دوای وەستانی شەڕی غەززە، ئیسرائیل دەستیکردووە بە کەمکردنەوەی ژمارەی سەربازانی یەدەگ لە ناو بەرەکانی شەڕ لە غەززە و لە بەرەکانی دیکەی وەک کەرتی خۆرئاوا و باکووری ئیسرائیل.

ئەمەش بزانە: ئیسرائیل دەیەوێت لەم ڕێگەیەوە گوشاری سەر سەربازانی کەم بکاتەوە کە بە هۆی شەڕەوە ماندوو بوون.

زانیاریی بەدەستهاتوو: لە دوای 7ـی ئۆکتۆبەری 2023ـەوە ئیسرائیل زیاتر لە 300 هەزار سەربازی یەدەگی بانگهێشتکردووەتەوە کە ئەمە بارگرانییەکی زۆری لەسەر ئابووریی ئەو وڵاتە داناوە.