وەزارەتى خوێندنى باڵا ڕێنماییەکی نوێ بڵاو دەکاتەوە

ئاڤا نیوز

 

وەزارەتى خوێندنى باڵاو توێژینەوەى زانستى ڕێنمایی خوێندنى باڵا - دیپلۆمى باڵای یەک ساڵەی پیشەیی بەشێوەی بڕوانامەی هاوبەش بڵاودەکاتەوە.

 

چیرۆکی سەرەکی: بە ئیمزاى د. ئارام محەممەد قادر وەزیرى خوێندنى باڵا و توێژینەوەى زانستى، وەزارەتى خوێندنى باڵا ڕێنمایى ژمارە 8ـى ساڵى 2024ـى تایبەت بە خوێندنى باڵا- دیپلۆمى باڵای یەک ساڵەی پیشەیی بەشێوەی بڕوانامەی هاوبەش(Joint Degree) لە زانکۆ حکومییەکانی هەرێمی کوردستان لەگەڵ زانکۆکانی دەرەوەی وڵات بڵاوکردەوە.

 

ئەوەی پێویستە بیزانیت: ئامانج لە دەرکردنى ئەم ڕێنماییە ڕێکخستن و گەشەپێدانى بازاڕى کارى هەرێمى کوردستان و ئامادەکردنى کادیرى لێهاتووى خاوەن تواناو کارامەیی و بەرپرسیارە بەرامبەر کۆمەڵگە و خاوەن کار و پیشە، لەڕێگەى ئەو ڕێسا و یاسایانەى زەمینەى بەستنەوەى بازاڕى کارى کوردستان بە زانکۆ و پەیمانگەکان و بەدیهێنانى ئامانجە گشتى و تایبەتەکانى خوێندن دەڕەخسێنێت.

 

زانیاریی زیاتر: دیپلۆمى باڵای یەک ساڵەی پیشەیی بەشێوەی بڕوانامەی هاوبەش(Joint Degree)، ئەم شێوازە خوێندنەیە، کە لەلایەن یەکێک لە زانکۆ حکومییەکانی هەرێمی کوردستان بە هاوبەشی لەگەڵ زانکۆکانی دەرەوەی وڵات دەکرێتەوە و لەلایەن هەردوو لایەنەوە بڕوانامەی هاوبەش بە قوتابییانی دەرچوو دەبەخشرێت.