فەرەنسا، ئەڵمانیا و بەریتانیا لە چالاکییە ئەتۆمییەکانی ئێران نیگەرانن

ئاڤا نیوز

هەریەکە لە فەرەنسا، ئەڵمانیا و بەریتانیا نیگەرانیی خۆیان لەبارەی پەرەپێدان بە چالاکییە ئەتۆمییەکەی ئێران دەربڕی.

وێنە گەورەکە: ئاژانسی نێودەوڵەتیی وزەی ئەتۆم لە ڕاپۆرتێکی نهێنیدا، کە دواتر ئاشکرا بوو و کەوتە دەست میدیاکان، ئاماژەی بە فراوانبوونی چالاکییە ئەتۆمییەکانی ئێران بۆ پیتاندنی یۆرانیۆم تا ئاستی نزیک لە بەرهەمهێنانی چەکی ئەتۆمی کردبوو. ڕاپۆرتەکەی ئاژانسی وزە باسی لەوەش کردووە کە ئێران لەگەڵیاندا هاوکار نییە.

ڕاگەیێنراوی فەرمی: سێ وڵاتە ئەوروپپیەکە لە بەیاننامەیەکی هاوبەشدا کە ئاراستەی ئاژانسی نێودەوڵەتیی وزەیان کردووە، داوایان کردووە ئاژانسەکە ڕاپۆرتی نوێ سەبارەت بە پێشێلکارییەکانی ئێران پێشکەش بکات.