ڕاگەیاندنی کشانەوەی هێزەکانی ئەمریکا لە عێراق نزیکە

ئاڤا نیوز 

 

گفتوگۆکان لە نێوان واشنتن و بەغدا لەسەر پرسی کشانەوەی هێزەکانی ئەمریکا لە عێراق بەردەوامن و هەردوولا نزیکن لە گەیشتن بە ڕێککەوتنێکی هاوبەش. 

 

وێنە گەورەکە: لە سەرەتای دروستبوونییەوە تاوەکو ئێستا ڕێکخراوی تیرۆریستی داعش هەڕەشەیەکی گەورەیە بۆسەر جیهان، ئەمریکا سەرکردایەتی هاوپەیمانییەتی نێودەوڵەتی دژ بەم گروپە دەکات و 2500 سەربازی لە عێراق بۆ ڕووبەڕووبوونەوەی ئەم مەترسییە جێگیرکردووە. 

 

ڕاگەیێندراوی فەرمی: ڕۆژنامەی پۆلیتیکۆ لە زاری دوو بەرپرسی ئەمریکییەوە ڕادەگەیێنێت: گفتوگۆکانی نێوان واشنتن  و بەغدا بۆ کەمکردنەوەی ژمارەی سەربازانی ئەمریکا لە عێراق لە قۆناغەکانی کۆتاییدایە. 

 

زانیاریی زیاتر: محەممەد شیاع سوودانی، سەرۆکوەزیرانی عێراق ڕایگەیاند: ڕۆژی ڕاگەیاندنی کۆتایی هێنان بە ئەرکەکانی هاوپەیمانیی نێودەوڵەتیی لە عێراق نزیکە. 

 

ئەمەش بزانە: پێشتر ئەمریکا و عێراق لەسەر کەمکردنەوەی ژمارەی سەربازانی ئەمریکا تا ساڵی 2026 ڕێککەوتبوون، هەر بەپێی ڕێککەوتنەکە بەشێک لە سەربازانی ئەمریکا لە هەرێمی کوردستان دەمێننەوە.