بە بەشداری 12 ملیۆن قوتابی ساڵی نوێی خوێندن لە عێراق دەستپێدەکات

ئاڤا نیوز

 

زەنگی خوێندنی ساڵی 2024-2025 لە عێراق جگە لە هەرێمی کوردستان بە بەشداریی زیاتر لە 12 ملیۆن قوتابی لە سەرجەم قۆناغەکانی کەرتی حکومی و تایبەت لێدرا.

 

وێنە گەورەکە: ئەمڕۆ یەکشەممە، یەکەم ڕۆژی ساڵی خوێندنی قۆناغەکانی سەرەتایی، ناوەندی و ئامادەییە لە عێراق و زیاتر لە 12 ملیۆن قوتابی بەشداری ئەمساڵی خوێندن دەکەن، لە هەرێمی کوردستانیش 25ی ئەیلوول یەکەم ڕۆژی خوێندنە.

 

ڕاگەیێنراوی فەرمی: کەریم سەید، گوتەبێژی وەزارەتی پەروەردە ڕایگەیاند: ئامادەکارییەکانی وەزارەت بۆ ئەمساڵ باشترە لە ڕابردوو، بە تایبەتی لەڕووی پێشوەختە چاپکردن و ئامادەکردنی پەرتووکەکان.

 

زانیاریی زیاتر: ئەمساڵ 600 قوتابخانەی نوێ کەوتوونەوتە کار و تاوەکو کۆتایی ئەمساڵ هەزار قوتابخانەی دیکەی نوێ ئامادە دەکرێن.

 

 ئەوەی پێویستە بیزانیت: تەنیا لە پۆلی یەکی سەرەتایی ملیۆنێک و 200 هەزار قوتابی دەست بە خوێندن دەکەن، بە بەراورد بە ساڵی ڕابردوودا 100 هەزار زیاترە.