سەرۆکوەزیران بارزانی لەبارەی هەڵبژاردن: پێویستە پاک و ئازاد و دوور لە پێشێلکاری بێت

ئاڤا نیوز 

 

سەرۆکوەزیران مەسرور بارزانی و باڵیۆزی فەرەنسا لە عێراق پرسی هەڵبژاردنی پەرلەمانی کوردستان و هەناردەکردنی نەوتی هەرێمی کوردستانیان تاوتوێ کرد.

 

وێنە گەورەکە: ڕۆژی 25-09-2024، سەرۆکوەزیران مەسرور بارزانی و پاتریک دۆرێل، باڵیۆزی فەرەنسا لە عێراق کۆبوونەوە.

 

ڕاگەیێنراوی فەرمی: لە کۆبوونەوەکەدا دوایین گۆڕانکاری و پێشهاتەکانی دۆخی گشتیی عێراق و پەرەپێدانی پەیوەندییەکانی نێوان هەردوولا  و پرسی ئامادەکارییەکان بۆ هەڵبژاردن و تاوتوێ کران.

 

زانیاری زیاتر: لە میانی کۆبوونەوەکەدا سەرۆکوەزیران مەسرور بارزانی و پاتریک دۆرێل هاوڕابوون لەسەر بەڕێوەچوونی هەڵبژاردنێکی پاک و ئازاد لە ژێر چاودێری نێودەوڵەتی و دوور لە پێشێلکاری.

 

ئەوەی پێویستە بیزانیت: هەردوولا جەختیان لە پێویستی دەستپێکردنەوەی هەناردەکردنی نەوتی هەرێمی کوردستان لە زووترین کات کردەوە، وەستانی هەناردەکردنی نەوت بە زیانێکی زۆر بۆ بودجەی گشتیی عێراق دەزانن.