سعودیە هاوپەیمانێتییەک بۆ درووستکردنی دەوڵەتی فەڵەستین ڕادەگەیێنێت

ئاڤا نیوز

 

وەزیری دەرەوەی سعودیە هاوپەیمانێتییەکی نێودەوڵەتی بە بەشداریی دەوڵاتانی عەرەبی و ئیسلامی و هاوبەشە ئەوروپییەکان بە ناونیشانی "هاوپەیمانی نێودەوڵەتی بۆ جێبەجێکردنی چارەسەری دوو دەوڵەتی"  بۆ فەڵەستین و ئیسرائیل ڕاگەیاند.

 

بۆچی گرنگە: مەبەست لە پێکهێنانی هاوپەیمانێتییەکە درووستکردنی دەوڵەتێکی سەربەخۆیە بۆ فەڵەستینییەکان لە تەنیشت دەوڵەتی ئیسرائیل تا بەم شێوەیە کێشەی نێوان ئیسرائیل و فەڵەستین چارەسەر بکرێت، کە چەند دەیەیەکە بەردەوامە و ناوە ناوە شەڕ و پێکدادان ڕوو دەدات.

 

زانیاریی زیاتر: ڕاگەیاندنی ئەم هاوپەیمانێتییە لە کۆبوونەوەیەکی ئاستی وەزاری وڵاتان سەبارەت بە دۆسیەی فەڵەستین و هەوڵەکانی ئاشتی بوو کە لە پەراوێزی کۆبوونەوەی سەرانی وڵاتان لە ئەنجوومەنی گشتیی نەتەوە یەکگرتووەکان، لە نیویۆرکی ئەمریکا، بەڕێوەچوو.

 

ئەوەی پێویستە بیزانیت: تائێستا 149 دەوڵەت دانیان بە سەربەخۆیی فەڵەستیندا ناوە.