وێنەی حەسەن نەسڕوڵڵا لەنێو باڵەخانەی پەرلەمانی عێراق هەڵدەواسرێت

ئاڤا نیوز

فراکسیۆنی سادقوون، باڵی سیاسی عەسائیبی ئەهلی حەق بەسەرۆکایەتی قەیس خەزعەلی، وێنە حەسەن نەسروڵڵا لەناو باڵەخانەی پەرلەمانی عێراق هەڵدەواسن و بەڵێنی بەردەوامیدان بە کاروانەکەی دەدەن.

وێنە گەورەکە: ڕۆژی هەینی 27-9-2024، سوپای ئیسرائیل حەسەن نەسروڵڵا، ئەمینداری گشتیی حیزبوڵڵای لوبنانی لە هێڕشێکی ئاسمانیدا لە بەیروت کوشت، بەو هۆیەوە حکومەتی عێراق بۆ ماوەی سێ ڕۆژ ماتەمینی گشتی ڕاگەیاند.

پێدراوە ڕاستەکان: لە تۆڕە کۆمەڵایتییەکان چەند وێنەیەک بڵاوکراونەتەوە و تێیاندا دەردەکەوێت وێنەی حەسەن نەسروڵڵا لەنێو باڵەخانەی پەرلەمانی عێراق هەڵواسراوە.

زانیاریی زیاتر: لەسەر وێنەکە فراکسیۆنی سادقوون لە پەرلەمانی عێراق پرسە و سەرەخۆشی خۆیان بۆ کوژرانی حەسەن نەسڕوڵڵا دەربڕیوە، هاوکات بەڵێنی ئەوەی پێدەدەن: "واز لە ڕێگای مقاوەمە ناهێنن و درێژە بە ڕێگاکە دەدەن، چونکە پیاوانی حەق گۆڕەپانەکە جێناهێڵن".