ئیخلاس دلێمی: لەم ڕۆژانە مووچەی مانگی نۆ خەرج دەکرێت

ئاڤا نیوز

 

ئیخلاس دلێمی ڕایدەگەیێنێت، وەزارەتی دارایی عێراق کورتهێنانی مووچەی مانگی هەشتی فەرمانبەرانی هەرێمی کوردستان پڕ دەکاتەوە و لە دوو ڕۆژی داهاتووشدا مووچەی مانگی نۆ خەرج دەکات.

 

لێدوانی فەرمی: ئیخلاس دلێمی، ئەندامی لیژنەی دارایی پەرلەمانی عێراق لە لێدوانێکی ڕۆژنامەوانیدا ڕایگەیاند: "بەشێکی داتا و زانیارییەکانی مووچەی مانگی هەشت پێویستی بە پێداچوونەوە هەبووە و چارەسەرکراوە، لە ماوەی دوو ڕۆژی داهاتوودا کۆرتهێنانی مووچە ڕەوانەی هەریمی کوردستان دەکرێت".

 

لەلایەکی دیکەوە: ئیخلاس دلێمی لەبارەی مووچەی مانگی نۆ ڕایگەیاند: ئەمڕۆ لە وەزارەتی دارایی عێراق بووین، بەغدا تێبینی لەسەر جیاوازی پلەبەرزکردنەوەی فەرمانبەرانی هەرێم هەبووە، هاوکات کێشە لەسەر ناوی دووبارە نەبووە، بۆیە لە دوو ڕۆژی داهاتوودا بڕیار لە خەرجکردنی پارەی مووچەی مانگی نۆ دەدرێت".

 

باکگراوند: لەکاتێکدا ئێستا مانگی دەیە، تاوەکو ئێستا حکومەتی عێراق پارەی پێویستی بۆ مووچەی مانگی هەشت نەناردووە و حکومەتی هەرێمی کوردستان  243 ملیار دینار کورتهێنانی هەیە، 755 ملیار دینار نێردراوە و کۆی مووچەش پێویستی بە 998 ملیار دینارە.